ឈ្មួញប្រើប្រាស់ទូកដឹកឈើប្រណីតខុសច្បាប់ ៣ទូកុងតឺន័រប្រុងឆ្លងដែនទៅវៀតណាមលោតឆ័ត្រ ត្រូវគយខេត្តកំពតបង្ក្រាប!

ខេត្តកំពត៖ ទូកយន្តដឹកឈើប្រណីតខុសច្បាប់៣ទូកុងតឺន័រ ដែលមានផ្ទុកឈើ៥៣ដុំធំៗ បម្រុងឆ្លងដែនទៅប្រទេសវៀតណាម ត្រូវបានកម្លាំងការិយាល័យនាវាចរគយ សហកាជាមួយសកម្លាំងអាវុធហត្ថលើផ្ទៃប្រទេសបង្ក្រាបបាន នៅចម្ងាយ៣ គីឡូម៉ែត្រពីផែព្រែកត្នោត ខេត្តកំពត កាលពីវេលាម៉ោង ១០យប់ ថ្ងៃទី១៧ ខែកក្កដា ឆ្នាំ២០១៨។ បច្ចុប្បន្នទូកុងតឺន័រផ្ទុកឈើទាំងនោះ ត្រូវបានកម្លាំងសមត្ថកិច្ច ស្ទួចយកមករក្សាទុកនៅកន្លែងឈរជើង បណ្ដោះអាសន្នរបស់ការិយាល័យនាវាចរគយ និងធ្វើកំណត់ហេតុបញ្ចូនមកអគ្គនាយកដ្ឋានគយ និងរដ្ឋាករកម្ពុជា។

ប្រភពបានឱ្យដឹងថា ការបង្ក្រាបនេះដោយមានការបញ្ជាផ្ទាល់ពីលោក កើត សុទ្ធារ៉ា ប្រធាននាយកដ្ឋានបង្ការ និងបង្ក្រាបបទល្មើស នៃអគ្គនាយកដ្ឋានគយ ទើបលោក ឯម ណារិទ្ធ ប្រធានការិយាល័យនាវាចរគយ ដឹកនាំកម្លាំងសហការជាមួយកងរាងអាវុធហត្ថផ្ទៃប្រទេស ចុះត្រង់ចំណុចភូមិសាស្រ្តខាងលើ ក៏ប្រទះឃើញទូកយន្តឈើមួយគ្រឿង កំពុងលិចនៅក្នុងផ្ទៃទឹក ដែលមានជម្រៅប្រហែលបីម៉ែត្រ ទើបកម្លាំងសមត្ថកិច្ច ចុះឆែកឆេរ ប៉ុន្ដែពុំឃើញមាននរណាម្នាក់នៅលើទូកនោះឡើយ ឃើញតែទូកុងតឺទ័រចំនួនបីគត់ បន្សល់ទុកក្នុងទូកនោះ៕

 

Leave a Reply

Your email address will not be published. Required fields are marked *